عيوب في الدستور

بناءا علي طلب بعض المتابعين علي تويتر.. هأحاول أجمع كل التويتات اللي كتبتها عن عيوب الدستور. هأكتبهم في مجموعات لأن كل مجموعة لها صيغة مختلفة. لو عايز تنسخ منهم أتفضل مع كل تحياتي.

المجموعة الأولي

* المادة ٤: شيخ الأزهر غير قابل للعزل.

لضمان استقلال الأزهر لازم يكون لهيئة كبار العلماء الحق في عزلة زي اختياره.

* المادة ٦: يقوم النظام السياسى على مبادئ الديمقراطية والشورى.

مافيش حاجة في القانون اسمها الشوري. ما تعريف الشوري؟

*المادة ١٠: الأسرة أساس المجتمع، قوامها الدين والأخلاق والوطنية.

قوام الأسرة لا يحدد كذلك.. وإن لم تستوفي أسرة الشروط؟

* المادة١٠:

كيف للقانون أن ينظم الحفاظ علي طابع الأسرة المصرية الأصيل؟ وماهو تعريف هذا الطابع بالضبط؟

* المادة ١٠: تكفل الدولة التوفيق بين واجبات المرأة نحو أسرتها والعمل العام.

ما هي الواجبات وكيف للدولة أن تكفل التوفيق؟

*المادة١٠: تكفل الدولة خدمات الأمومة والطفولة بالمجان.

ما هي الخدمات؟ رعاية صحية؟ تأمين؟ دور حضانة؟ تأهيل؟

* المادة ١٠: تولى الدولة عناية وحماية خاصة للمرأة المعيلة والمطلقة والأرملة.

يعني إيه خاصة؟ معونة شهرية؟ تموين؟ حراسة؟

* المادة ١١: ترعي الدولة الثقافة العربية.

وذلك دون ذكر الثقافة المصرية.

*المادة١١: ترعي الدولة الثراث التاريخي والحضاري للشعب.

الموثق والغير موثق؟ كلام فضفاض جدا

*المادة ١١: ترعي الدولة الحقائق العلمية.

هل تعتبر الدولة نظرية داروين حقيقة علمية؟ كلام فضفاض لا يؤسس دولة.

* المادة ١٤: ضمان حد أقصي في أجهزة الدولة لا يستثني منه إلا بناء علي قانون.

يا إما لا يستثني أو تشيلوها..إيه إلا دي؟

* المادة ١٥: …ويحمي الفلاح والعامل الزراعي من الاستغلال.

صياغة ناصرية جدا.. استغلال مين؟ الدولة؟ ولا الشركات الكبري؟؟

*المادة٢٤: الملكية الخاصة مصونة {…} ولا تنزع إلا للمنفعة العامة، ومقابل تعويض عادل يدفع مقدما.

وكله دستوري أهه.

*المادة ٣١: لا يجوز بحال إهانة أي إنسان أو ازدراؤه.

ما الذي ينطلي تحت بند الازدراء؟

*المادة ٤٣: تكفل الدولة حرية ممارسة الشعائر الدينية {..} للأديان السماوية.

واللي دينه لا تصنفه الدولة كسماوي يعمل إيه؟

*المادة ٤٧: الحصول علي المعلومات {…} بما لا يتعارض مع الأمن القومي.

ده تصوير سور نادي الدفاع بيتعارض مع الأمن القومي.

*المادة٥٨: تتخذ الدولة كافة التدابير لمد الإلزام إلي مراحل أخري.

طب ما تمدوا المراحل الإلزامية من دلوقتي ..

*المادة ٥٨: تعني الدولة بالتعليم الفني وتشجعه.

تشجع مين؟ ده مش ماتش كورة.. ده عامود الصناعة يعني لازم الدولة تكون ملزمة به مش بتشجعه.

*المادة ٦١: {…} خلال عشر سنوات من تاريخ العمل بالدستور.

١٠ سنين مهلة علشان نبتدي ننفذ خطة محو أمية شاملة؟ ١٠سنين؟

المجموعة التانية

*عايز كل الناس تتعالج بالمجان؟ الدستور لا يكفل ذلك.

* عايز تضمن إن الجيش ما يكونش دولة جوة الدولة؟ الدستور لا يكفل ذلك.

* عايز الدولة تكون ملزمة بتوفير الإمكانيات لذوي الاحتياجات الخاصة؟ الدستور لا يكفل ذلك.

* عايز الدولة تكون ملزمة بتمكين ذوي الإعاقة؟ الدستور لا يكفل ذلك.

* عايز الأجهزة الرقابية اللي بتراقب علي أداء رئيسك ما يكونش رئيسك اللي معينها؟ الدستور لا يكفل ذلك.

* عايز تضمن إن بلدك بتجرم الإتجار بالبشر؟ الدستور لا يكفل ذلك.

* عايز تتبع قول الله تعالي { لَكُمْ دِينُكُمْ وَلِيَ دِينِ }؟ الدستور لا يكفل ذلك.

* عايز الدولة تكون ملزمة توفر إعانة بطالة؟ الدستور لا يكفل ذلك.

* عايز جهاز شرطة ما يكونش متحكم فيه اللي ماسك البلد؟ الدستور لا يكفل ذلك.

* عايز تضمن إن ابنك أو بنتك ما حدش يشغلهم وهما لسة أطفال؟ الدستور لا يكفل ذلك.

* عايز تحمي ولادك من المحاكمات العسكرية؟ الدستور لا يكفل ذلك.

* عايز تحافظ علي أرضك من إن الدولة تاخدها منك علشان المنفعة العامة؟ الدستور لا يكفل ذلك.

* عايز الدولة تكون ملتزمة توفر فرص عمل للشباب؟ الدستور لا يكفل ذلك.

* تحب اللي ماسكين البلد يبقي عندهم حد أقصي للأجور من غير استثناءات؟ الدستور لا يكفل ذلك.

المجموعة التالتة

* هو اللي موافق علي الدستور موافق إنه لا يتم ذكر “تمكين ذوي الإعاقة” وهو حق من حقوقهم؟ المادة ٧٢. غيرنا إيه؟

* هو اللي موافق علي الدستور موافق إنه ما ينصش بالحرف علي تجريم الاتجار بالبشر؟ المادة ٧٣ لا ذكر فيها للإتجار بالبشر. بنرجع لورا ليه؟

* هو اللي موافق علي الدستور موافق إن الأطفال تشتغل؟ المادة ٧٠ لا تجرم تشغيل الأطفال. غيرنا إيه؟

* اللي موافق علي الدستور موافق إن الرئيس يختار عُشر عدد نواب مجلس الشوري (ده بغض النظر علي إن في مجلس شوري أصلا)؟ المادة ١٢٨. غيرنا إيه؟

* اللي موافق علي الدستور موافق إن هيئة الوقف اللي بتراقب علي وزارة الأوقاف يعين رئيسها الرئيس اللي هو معين رئيس الوزراء اللي اختار وزير الأوقاف؟ المادة ٢١٢. غيرنا إيه؟

* هو اللي موافق علي الدستور موافق إن الرئيس يختار رؤساء الهيئات اللي بتراقب عليه؟ المادة ٢٠٢ لا تكفل الحيادية والشفافية. غيرنا إيه؟

* هو اللي موافق علي الدستور موافق إن ممكن نستثني ناس من الحد الأقصي للأجور فيقبضوا من غير سقف؟ المادة ١٤ تجيز استثناء البعض. غيرنا إيه؟

* هو اللي موافق علي الدستور موافق إن هيئة علماء الأزهر تنتخب شيخها بس ما تعرفش تعزله لو أخطأ؟ المادة٤ لا تضمن استقلال الأزهر. غيرنا إيه؟

* هو اللي موافق علي الدستور موافق إن الرئيس (أيا كان) يختار المحافظين؟ المادة ١٨٧ تخلي الريس عنده محافظينه زي زمان. غيرنا إيه؟

* هو اللي موافق علي الدستور موافق إن الرئيس (أيا كان) يبقي رئيس هيئة الشرطة؟ المادة ١٩٩ تخلي الريس عنده داخليتة زي زمان. غيرنا إيه؟

2 Responses to “عيوب في الدستور”

  1. i took the liberty to quote the 2nd set of objections and shared them on facebook🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: